Xəton, pebırəyon yaən ıştə muzunqon çoknəy dəqeş kardəninimon?

Tolışon milliyə  soxtemoni  barədə  qırd  yolə  xətonədə  qıləyni  milliyə  məsələ  de  ğıryət, namusi  məsələ  i  kardeye.  Bə  tolışə  ruşnəfamon, dastpoçəninonku  pardeyədə ki, “Tolışi  məsələ  boçi  vacibe?”  bəmı  jıqo  hay  doydən: “Zıvon iyən fərhənq çı  milləti namus iyən ğıryəte. Bə ım səbin hovoz kardəninimon”. Məsələ  jıqo  noy  bə 3  qılə kaşi  səbin  xətoye, həmən  bə çəmə  ovcbemoni  poəjənəti   kardedə.

Xosə tolışon!

Erməniyon de tırkon arədə beşə konflikti tarixi rəğon iyən kaşiyonış heste. Çımi bə tolışon hiç qılə anqılətiş ni. Tolışon i bəjən Qarabaği canqədə tırkon havari kəşəşone. Həzoysə vey şəhidışon doy. Çəy vırədə çiç be? Qarabağədə tolışon hovoz kardə odəmon bə vəzifə dəşin, bə tolışon koroğışon doy. Bəmə xəyanətışon karde.